《夫妻的博弈》焦點場口，絕對是郭柏妍飾演的Sherman，扮可憐色誘食了海狗丸的阿Mark（張頴康飾），但阿Mark為了守住貞節牌坊，一味強忍急色的場口。場口重點除了落在Mark抵死的嫌棄Sherman對白：「做乜明明目測有42吋（長腿），依家爭咁遠嘅」、「喂，Microwave（指沒身材），咁樣好難代入到你係Senna（高海寧飾）喎。」再加上兩位演員超級搶焦的演出，令內地及香港觀眾均表示笑爆肚皮，還讚張頴康及郭柏妍是襯到絕的「渣男x綠茶」。
連日來搶盡版面的郭柏妍Rosita，一味鍾意搶Senna嘢的Sherman，為了氹番Senna等自己將來繼續有玩具，衝上Senna寓所扮可憐搏同情求和，臨入門口前還要懶醒滴多兩滴眼淚，夠晒抵死！點知一打開門，映入眼簾的並非Senna、而是用來刺激玩具的囊中物阿Mark，好勝心大發的Sherman遂借機色誘Mark；但因Mark「忍耐力」特強，Sherman只能一邊扮可憐、一邊伺機出擊，最啜核的是，Rosita演出時做到一邊假喊、一邊樂呵呵、意圖不軌的偷望張頴康，轉換情緒功力流暢，難怪演技備受肯定。
