立法會大會正休會，新界東南立法會議員方國珊趁有時間去澳門探親。不過，入境嗰陣就被抽查，一度有傳佢被查詢會唔會入賭場。
網傳方國珊噚日入境澳門畀治安警察局人員查問入境目的，包括會唔會入賭場。方國珊接受傳媒查詢，確認噚日即日來回澳門探親，期間被查問入境目的，不過澄清對方冇問佢會唔會入賭場。
方國珊笑言今次抽查證明香港立法會議員冇特權，佢亦冇特別同關員講自己嘅身份。佢相信今次治安警察局只係隨機抽查，佢形容過程好有效率，唔覺得行程受阻。
原文刊登於 AM730 https://www.am730.com.hk/本地/1047772/ray-online-方國珊去澳門被查問-澄清無問會否進賭場?utm_source=yahoorss&utm_medium=referral