放假想同屋企人或朋友坐低慢慢「飲啖茶、食個包」，點心放題向來是性價比極高之選。KKday於8月24日下午3點推出「2026美食大賞限定」快閃優惠，利東酒家、利榮軒、金溏宮及利龍軒同步推出180分鐘懷舊點心片皮鴨放題，最震撼優惠低至每位HK$8，更有每位HK$88起的二人同行價。足足3小時任食金陵片皮鴨、即叫即蒸手工點心同鑊氣炒粉麵，每位再送原隻鮑魚佛跳牆灌湯餃，週末假期同價，絕對值得趁平預訂。

立即關注 BuffetGang Threads 獲取一更多自助餐優惠

3小時任食片皮鴨與傳統點心 每位送原隻鮑魚灌湯餃

今次推出的點心放題最大賣點在於時間充裕，長達180分鐘的用餐時間，完全打破一般放題趕時間的局促感。招牌金陵片皮鴨無限量供應，師傅即切上枱，鴨皮香脆熱辣，配搭薄餅與醬料入口油香十足。  

除了任食點心與片皮鴨，每位食客入座更獲敬送一盅「原隻鮑魚佛跳牆灌湯餃」。湯底濃郁甘醇，配上一整隻彈牙鮑魚與足料餡料，誠意十足。  

點心陣容主打傳統手藝，全部即叫即蒸。經典必點包括筍尖鮮蝦餃、蟹籽燒賣皇、北菇棉花雞、香麻流沙包及蠔皇鮮竹卷；腸粉則有韭黃鮮蝦腸、牛爐叉燒腸與香茜牛肉腸等選擇。＼  

如果想豐富一點，餐牌亦包含多款即叫即製的大廚小菜與即炒飯麵，例如鑊氣十足的瑞士汁乾牛河、豉油皇炒麵、雪菜火鴨絲炆米，以及惹味的生炒骨、椒鹽生蝦、雞蛋豬腳姜等，款款輪流供應，滿足不同口味。