各政府部門目前最主要喺政府新聞網同Facebook發布資訊，被問到會唔會喺時下熱門嘅社交平台Threads開設政府帳號，政府新聞處處長謝振中話政府正整體檢討各部門嘅社交平台操作。
愛國主義教育工作小組組長陳清霞、政府新聞處處長謝振中等帶領本港傳媒參加「海南文昌航天科技考察團」。謝振中喺當地同傳媒茶敘，佢提及現時係由各部門自行決定用咩社交平台，不過佢認同有啲平台過咗氣，上任之後其中一項工作係檢視社交媒體應用。
至於早前懲教署使用人工智能生成禁毒宣傳片，被質疑係反向宣傳。被問到各政府部門嘅宣傳品需唔需要先交畀新聞處審批，謝振中話喺社交平台宣傳適宜創新、唔鼓勵故步自封，而部門作新嘗試係需要學習過程。
原文刊登於 AM730 https://www.am730.com.hk/本地/1049306/ray-online-被問政府會否開設threads帳號-謝振中認部分社交平台過氣?utm_source=yahoorss&utm_medium=referral