Constance康堤日前推出全新單曲《好鍾意！》，康堤有份作曲，靈感源自康堤的自身感受，把曖昧感覺放進歌曲當中。康堤更邀請Serrini寫詞：「我好欣賞Serrini嘅作品，特別鍾意佢好直率嘅表達方法。佢填嘅歌詞非常貼合我嘅諗法同感受，真係好多謝佢！」
新歌MV 以一對情侶逃離城市喧鬧與煩惱為主線，呈現兩人追逐愛情過程。團隊特地往日本熱海拍攝，雖然天公不作美，一度面臨打風及大雨，但幸好仍順利拍攝。康堤在 MV 中更有新嘗試，上演多場「壞女孩」情節。
康堤笑言：「今次我真係豁咗出去，呢啲都係我喺香港唔會做嘅事，真係完全走出咗我 comfort zone。平時嘅我比較保守啲，但今次我係要好曳，要搞破壞咁！」
除了要演壞女孩角色外，康堤也在 MV 中首次與男主角演對手戲。她坦言一開始難免有些尷尬與緊張：「要喺短時間入面同男主角表現得好親密、好有情侶感，確實都要啲時間溝通同熱身。不過對方好專業，我都覺得自己嘅演技進步咗少少，哈哈！」
康堤謂在隧道中與男主角跳舞一慕最為難忘，由於燈光由正面直射，她與男主角在幾乎看不清前路的情況下，仍需精準跟隨走位及從容自在起舞。
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter