由黃綺琳與黃鐦聯合執導的電影《我阿爹想旅行》，將於10月15日上映，除主角張家輝與鍾雪瑩外，姜皓文、MIRROR的Stanley邱士縉、楊雅文（泰妹）及伍允龍均有份演出，當中姜皓文與張家輝再度於大銀幕演兄弟，而Stanley亦首度挑戰古裝造型，以長髮示人。他更要手持大型兵器拍攝動作場面，Stanley笑說：「今次會處於有着衫同冇着衫中間，造型令我覺得有《風雲》嘅感覺。」
過往Stanley曾參與黃綺琳導演及編劇的作品，但與黃鐦導演則是第一次合作。這次有機會與張家輝演戲，Stanley是相當興奮，直言對方是自己的偶像，他說：「能夠同佢合作，真係非常難忘。」
Stanley和蒙嘉慧也有對手戲，他說：「原來佢一直都有留意我哋MIRROR動向，所以私底下都有同佢傾我哋團體趣事。」至於最受注目的「少布」古裝造型，Stanley就大讚造型設計文念中相當大膽。
姜皓文透露，最初接拍《我阿爹想旅行》時，其實並不是現時的角色，他看劇本後，主動向導演自薦另一角，他說：「因為好耐都冇同家輝合作，都好想再搵一個好玩嘅角色撞吓。」他謂兩人拍戲，立即找回昔日《激戰》的默契：「做家輝嘅兄弟，我不知幾開心！」
姜皓文說：「我夠膽講冇人可以撞得返喺《激戰》入面賤輝同太歲嘅戲，我哋嘅火花好奇妙，唔使多講，大家一個眼神就會知道下一步反應點做。今次感覺大家都成熟咗好多，一撞返啲橋，回憶即刻返晒嚟，嗰種默契真係好難形容，總之好好玩！」
戲中二人的兄弟戲，姜皓文認為有另一種味道，情感更是有增無減，「雖然戲份唔多，但係每一場戲都發揮到我哋兩個嘅兄弟情，到時觀眾去感受，呢個故事絕對係好睇！」
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter