上屆 (2025年) 香港小姐隨著新一屆港姐誕生正式卸任，但幾位佳麗嘅去向就引起網民熱議！貴為港姐亞軍同季軍嘅施宇琪（Angela）與袁文靜（Jane），當選後雖然曾獲安排拍檔主持節目《攻你上大學》，但隨後演藝工作逐漸淡靜，二人索性「唔等運到」，各自回歸老本行或重返金融界。
擁有英國劍橋大學一級榮譽畢業頭銜嘅亞軍施宇琪，入行前曾喺外資大行任職股票交易員，絕對係名副其實嘅學霸；而季軍袁文靜則以真性情同「半鹹淡」廣東話深入民心。可惜當選一年期間演藝機會不如預期，袁文靜早前更拍片自爆「第N天冇工開」，直言感到迷惘。
眼見幕前工作量不多，積極諗後路。袁文靜現重返金融界，而施宇琪亦轉跑道自己創業及經營自媒體，發揮學霸專長！