鄭伊健上月底（22號）帶着小師妹黃淑蔓（Feanna），在澳門美高梅劇院舉行音樂會，伊健已是連續第三年獲邀開騷。伊健坦言今次音樂會概念，源於Feanna 早前贏得香港電影金像獎「最佳原創電影歌曲」，當晚她穿上晚裝演出，故伊健獲啟發，決定今次由歌單到服裝都全新安排，王子look的伊健，和穿上露背晚裝長裙的公主Feanna，與一眾穿上禮服的樂手演出。
音樂會開始，伊健以全新的medley 包括《全城效應》、《友情歲月》和《一個為你甘去蹈火海的人》開場，之後伊健率領小師妹Feanna演唱《For U & Me》、《心照》和《蟲兒飛》，Feanna又獨唱全新編曲的《動地驚天愛戀過》。
接着伊健換裝後再出場，與舞蹈員跳唱Rock版《Beautiful Day 》和《極速》，然後唱《自動勝利 Let's Fight》時向觀眾大派禮物，更即興玩包剪揼，全場勁high。
音樂會完結後，Feanna大讚伊健這晚造型及舞台設計相當華麗兼漂亮，伊健謂這一切其實全歸功於Feanna，他說：「今次真係因為佢，上次見佢去金像獎穿晚裝，原來佢可以咁樣。我哋今次個騷已經係第三次做，每次都要有新鮮感，既然佢著得咁grand，不如我哋就用呢個好grand嘅概念去揀歌做音樂，朝住呢個方向去編排今次音樂會。」
今次Feanna選了獨唱陳光榮作曲的《動地驚天愛戀過》，伊健坦言其實最想睇她跳唱快歌。伊健感嘆兩人相識多年，由她初出道已合作，見證她成長。他好奇問當年為何後來拿獎後，暫別樂壇遠赴外國升學？Feanna說：「因為真係想讀大學。」伊健讚賞她有主見和勇氣。他笑說：「五年前一齊拍《深宵閃避球》，佢嗰陣（身型）係𠵱家三倍，性格好好，好似公關咁幫手照顧成班人，真係睇住佢成長。聽講近來又攞咗好多獎，有冇少少得戚？」百厭的Feanna哈哈大笑，說：「多多得戚！」
伊健自爆出場前發生蝦碌事：「我唔記得戴隱形眼鏡，我臨出場先發現。咦！點解咁唔清晰嘅？原來冇戴隱形眼鏡。但我要出場啦，唯有照唱。咁多年第一次！」反而是在旁工作人員擔心他看不清舞台有危險，伊健笑說：「我平時個人模糊，上台最清晰，今次連上台都唔清晰！」Feanna笑說：「好彩你熟晒啲歌詞，唔使睇提詞機！」
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter