由「金牌媒人」林盛斌（Bob）主持的TVB戀愛真人騷《女神配對計劃2》首播，焦點內容絕對是花生滿滿的求愛勇者海選環節，星級花生團名單為節目主持林盛斌（Bob）、江美儀、林秀怡，以及上年女神梁敏巧（Maggie）及關嘉敏（Carman）。Bob及江美儀曾力讚今季質素更勝去年的求愛勇者，結果一開播，即有求愛勇者成功彈出，他就是現年26歲的冷氣技工，中葡芬混血兒方智弘（Oscar）。被指樣貌酷似福山雅治、吳偉豪及鳳小岳的Oscar，除了一出現即令阿Bob及Carman 靚仔到五體投地、流晒口水，加上身形健碩、笑容有魅力兼對答得體，即晚在網絡引發極高迴響，Threads一夜晚洗版之餘，網上更湧現「壞冷氣效應」，網上驚現「屋企突然要洗冷氣揮手區」，網民洗版式留言要求Oscar上門整冷氣，壞冷氣人士更遠至內地、台北及英國都有，十分誇張。
由於要求維修冷氣人士太多，本尊Oscar收到海量「Order」後亦迅即在Threads留言回應：「呢一單嘢，要請人呀！」認真幽默。 Oscar「壞冷氣效應」的強勁威力，就連「萬里」吳若希也留意到及極之心動，留言：「！！我屋企有冷氣壞呀」，而當有網民問為何不tag埋老公Alex，吳若希搞鬼回應：「屋企啲嘢我處理開，唔使麻煩佢啦。」 不過由於有網民發現Oscar之前曾以音樂組合OneUp成員身份出道，因此惹來內定疑雲，對此，「金牌媒人」兼花生團團長Bob即發文強調絕非造馬：「係，原則上佢嘅正職係整冷氣，兼職先係做歌手」、「其實而家呢個娛樂圈，無論係做演員定歌手，好多都有做1 幾份工作，努力去維持生計，先可以繼續去追夢，因為唔係個個都係最紅嗰啲，所以我真係完全唔覺得有啲咩問題，亦都唔係乜嘢做媒，佢真係自己上網報名參加」、「最後想多謝所有海選面試嘅求愛勇者們，你哋每一位，喺我心目中，都係非常勇敢嘅！大家可以認識吓佢，佢叫Oscar，真係幾靚仔嘅。」
