90年代樂壇天后彭羚（Cass）自下嫁林海峰（Jan）後便淡出幕前，多年來極少公開露面，令無數樂迷懷念不已。每當彭羚偶爾現身，不少忠實歌迷都會到處留言「求復出」，甚至衍生出「釋放彭羚」的網絡熱話！時尚教父兼填詞人黃偉文（Wyman）今日在社交平台曬出與林海峰及彭羚的世紀合照，豈料這張合照隨即變成了 Wyman 的「求救宣言」，笑爆全網！
事緣每次 Wyman 分享與彭羚的近照，留言區總會湧現大批網民瘋狂洗版留言「釋放彭羚」。深怕得罪好友林海峰的 Wyman，今次索性主動「求饒」，在 IG 曬出相隔三年多再次集齊三人的世紀合照，並附上一段極具求生欲的爆笑內文：
麻煩大家高抬貴手，唔好再喺comment度留咩「釋放彭羚」，如果唔係，我真係驚以後都冇得再同佢再食飯。 彭羚係自由嘅。 彭羚係自由嘅。 彭羚係自由嘅。 林海峰係一個和藹可親通情達理嘅大好人， 唔該大家唔好惡魔化林海峰。 以上對白，完全係我自願講嘅，絕對唔係林海峰逼我嘅。
#以上照片拍攝過程中並無任何彭羚或黃偉文受到傷害#講返正經上一次集齊三個人合照係三年幾前
Wyman 更在文末打上 Hashtag，澄清「以上照片拍攝過程中並無任何彭羚或黃偉文受到傷害」，並感歎上一次三人齊人合照已經是三年多前，足見這張世紀合照的珍貴程度。
其實對於網民多年來叫喊「釋放彭羚」，林海峰早前出席活動時亦曾大方回應過。他當時反問：「佢好自由呀！你哋覺得佢有咩好痛苦？最緊要開心，開心就冇投訴，即係我哋客戶服務部做得好，而我喺屋企又得到客戶服務嘅服務。」
