王祖藍與李亞男結婚多年一直恩愛如初，是圈中公認的模範夫妻。近日二人帶著兩個寶貝囡囡 Gabia 同 Hayley 一齊拍旅遊節目，重返當年兩人定情的溫哥華！祖藍更於節目中浪漫重演當年向亞男父母提親的一幕。受訪時，祖藍搞笑坦言今次完全係「公器私用」，大方承認「用公司資源做自己嘢」順道一家人旅行；亞男更爆出 5 歲半的細女 Hayley 居然剛剛同「男友」分手，爆笑全場！
祖藍與亞男今次帶埋女兒回到亞男成長的溫哥華拍節目，走訪多個對二人意義深遠的舊地及探訪當地好朋友。
對於今次帶埋全家出動邊工作邊娛樂，祖藍毫不避諱笑言：「今次真係用公司資源做自己嘢！難得有機會可以用工作理由，帶埋屋企人一齊返溫哥華探親兼旅行，簡直係公私兩便！」
除了兩夫妻放閃，兩個囡囡亦成為節目焦點。提及 5 歲半的細女 Hayley，亞男突爆料指細女近日遭遇了「情傷」，竟然剛剛同學校的「男友」分手！兩夫妻笑言平時也會拿這件事打趣細女：「我哋平時都會笑佢：『嘩！而家呢個新嘅點呀？』跟住佢就話：『唔好啦！可唔可以請佢嚟 Birthday party 呀？』祖藍坦言對女兒男友的外表完全無要求，心態亦非常開放：「最緊要係佢肯同我哋分享，唔好搞地下情就得啦！」