網上流傳一條貨車疑於南灣隧道管道內險追撞前車的驚險「車Cam」片。顯示日期在本月7日傍晚6時02分，隧道管道內懷疑發生事故，頂燈轉為黃色燈號提示駕駛人士，車輛隨即陸續收慢車速，導致兩邊管壁呈現「一片紅」；期間一輛貨車正沿中線行駛，駛至車龍「龍尾」時，司機懷疑不為意前方車群已經收慢，司機赫然發現時已與前車距離極近，在危急之際，他隨即急煞車及扭右軚切入鄰線試圖閃避。然而，貨車司機切線後眼見即將撞向右邊石壆，司機在驚魂未定下，迫不得已再扭左軚「救車」，由於扭軚力度過猛及車速影響，貨車當場失去平衡，輪胎一度「離地」懸空，整個車身隨後向左及向右劇烈擺動「彈彈吓」，險些在管道內翻側，場面極為驚險。片段亦至此完結。至於事發在那一條隧道，貨車有否撞管道內物件及有否人受傷，發貼文者則未有透露。
網民睇片後紛紛留言，「佢都幾on嘟(戇居)，前面反光紅到咁都唔醒水？」、「閃晒黃燈，牆又紅晒燈...咁都唔識行慢啲...」、「前面紅咗咁耐，貨車佬毫無反應」、「又黃又紅，佢就發緊夢」，另有人指摘司機，「係終極一醒！前面一早閃晒黃箭咀(嘴)D(啲)車又落晒迫力，佢仲onxx(戇xx)唔識收慢」，有網民問回覆笑謔，「終極一救定係終極遲鈍呀？」。