行政長官李家超今日宣布香港首份五年規劃同施政報告，由於兩份文件加埋有10萬字，宣讀時間長達3個鐘。現場見到有立法會議員似乎不敵睡魔，唔小心瞓著咗。
特首今日喺立法會宣讀兩份文件嘅摘要，《am730》記者留意到坐最前排、經民聯工程界議員卜國明托頭，似乎瞓著咗。記者已經向佢查詢，正等候回覆。
宣讀唔夠20分鐘，航運交通界林銘鋒突然伏喺台面，身邊嘅議員見到即刻拍佢膊頭提醒。《am730》之後就捕捉到林銘鋒托住頭，低頭合上眼。林銘鋒向《am730》解釋過程中收到好多「懶人包」同埋新聞資訊，當時其實係低頭睇緊手機。由於宣讀時間頗長，在場人士難免有啲分心，鏡頭捕捉到議員劉文君捽眼；經民聯黃永威同民建聯陳克勤亦有啲「小動作」，整耳仔又整鼻哥。 原文刊登於 AM730 https://www.am730.com.hk/本地/1053427/ray-online-特首宣讀五年規劃及施政報告-多名議員疑不敵睡魔?utm_source=yahoorss&utm_medium=referral