COLLAR成員Day許軼的最新個人單曲《你離開我的時候 神奇的事發生了》，以情傷為題，透過歌曲中失戀後的神奇故事，來為受情傷困擾的人提供治癒，為了令歌曲更具戲劇性，MV除了特別邀請AK江𤒹生和亨仔陳鎮亨參與演出外，又與AK新歌MV作故事連繫，而拍攝期間，雖然有兩大型男坐陣，不過Day卻情迷守宮。
新歌講述失戀故事，Day說：「當失戀後會經歷唔開心，初初可能會好頹，但日子過後，會獨自度過不快時間，希望透過歌曲可以治癒啲失戀嘅人，畀大家知道，失戀除咗好唔開心之外，仲可以有另一種取態。」
今次歌曲另一特色，是和AK新歌MV作故事連繫，Day說：「今次MV想故事性啲，本身都想搵AK做男主角，咁啱知道佢出新歌，於是就有一個咁嘅連繫，我同AK喺故事中並未係情侶，我飾演一個剛受情傷嘅人，準備逃離時認識AK，之後佢追求我，但故事結尾係open ending嚟。」
另一位男角亨仔，在MV中飾演Day的前度，Day謂：「導演想搵一個同AK好大分別嘅男仔，突然諗起亨仔贏咗健美比賽，唔好浪費佢咁好嘅身型，於是搵佢演出做大隻前男友。」
Day第一次與AK和亨仔拍MV，尤其跟師兄AK，過往二人曾合作影雜誌相，但沒太多交流，今次她們卻不時偈傾，Day說：「喺故事上，佢養咗隻守宮，交畀我照顧，但現實中，佢好驚守宮，反而我唔驚，所以有好多趣事發生，我覺得守宮真係好得意、好細隻，其實拍攝MV前，都構思有隻守宮，之後導演分享咗呢隻守宮啲相畀我，我一見到已經覺得好啱心水，感覺就係佢喇，同我幻想嘅守宮係一模一樣。」
有一幕Day需要邊吃邊喊，情感大爆發，對此她認為是最大挑戰，「要一路食嘢，一路好傷心，畫面好生活化，但最大挑戰就係容貌焦慮，未知我喊嘅時候會唔會好樣衰。」
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter