繼宋芝齡之後，再有藝人加入自由黨。最新有《東張西望》前主持黃穎君加入，仲「擔大旗」成為黨內教育研究事務委員會召集人。
黃穎君喺社交平台分享喜訊，話好榮幸獲委任為自由黨教育研究事務委員會召集人。佢介紹委員會以數據化、實證式專題研究作為核心工作基礎，會走訪香港教育業界採集數據，全面客觀反映教育業界真實發展狀況。黃穎君期望緊跟國家統籌教育、科技、人才一體化發展核心方向，依托香港背靠祖國、聯通全球獨特優勢，打造「留學香港」品牌、守護「留學香港」國際聲譽。
自由黨副主席陳曉峰就話歡迎所有懷抱遠大理想、有決心去實現目標同理想嘅愛國愛港人士一齊大展抱負，實事求是為市民服務。
黃穎君2021年離開無綫電視，之後轉跑道加入政府擔任民政事務局媒體主任。離開政府後出任武漢市港區政協委員。
原文刊登於 AM730 https://www.am730.com.hk/本地/1054796/ray-online-東張西望前主持黃穎君加入自由黨-擔大旗任黨內教育委員會召集人?utm_source=yahoorss&utm_medium=referral