東張女神何沛珈（Roxanne）近日登上 TVB 王牌戀綜《女神配對計劃2》人氣爆燈，點知人紅是非多，日前突遭網上匿名爆料，指控她工作態度極差、態度囂張無禮貌等「七宗罪」。
何沛珈近來人氣急升，除咗拍劇之外更參選《女神配對計劃2》招親，但日前突遭疑似「無綫內部員工」於社交平台發文，直指「何姑娘」私下態度惡劣，列出多項罪狀指控其嚣張兼無禮貌。
對此，舊愛阮浩棕受訪時毫不猶豫挺身護花。他表示看到報道後已即時傳訊息關心對方。談到「七宗罪」指控，阮浩棕直言無法認同：「以我認識嘅沛珈，佢同好多人關係都好親近，係一個非常善良、好直率嘅人。可能有時佢說話太直接、唔識得去包裝件事，先會令人產生誤會。」
自何沛珈參選《女神2》以來，網上一直有傳聞希望阮浩棕能以「前女友嘉賓」身份驚喜現身節目踢館、上演復合大戲。然而，阮浩棕今次則斬釘截鐵打消大家的幻想，明確表示自己絕對不會上節目踢館。
被問到二人會否有復合機會，阮浩棕表現得十分成熟且豁達。他坦言彼此當初選擇分手並退回朋友位置，是因為「我哋之間確實有解決唔到嘅問題」。他強調雙方已經達成共識分道揚鑣，做返朋友。