元朗區議員梁明堅好勤力喺社交平台分享「每日一跑」紀錄，不過跑速直逼港隊成績引起質疑。
最近一名女子喺元朗壆圍南路疑被流狼狗咬死，梁明堅事後亦發文配上自己嘅跑步「打卡紀錄」，話對於致命悲劇感到震驚同沉痛。配圖就顯示佢用80分鐘跑咗6.25公里。
不過呢個紀錄都唔係最勁，梁明堅喺8月打風之後落區幫手執樹枝，配圖顯示佢當日用31分鐘44秒，跑咗10.04公里，平均配速係每公里3分10秒。
翻查香港田徑總會最新紀錄，十公里紀錄最佳保持者係林穎璋跑出30分58 秒，第二嘅黃子圖跑出31分11秒。而梁明堅嘅成績可以「空降」第8名，《am730》已經向梁明堅查詢係咪紀錄有誤，暫時未有回覆。
原文刊登於 AM730 https://www.am730.com.hk/本地/1055184/ray-online-區議員梁明堅分享-每日一跑-打卡紀錄-成績直逼港隊跑手惹質疑?utm_source=yahoorss&utm_medium=referral