連鎖健身中心「24/7 FITNESS」的沙田瀝源街分店，更衣室內驚傳藏有針孔攝錄鏡頭。昨日(25日)晚上網上流傳相關帖文及影片，一名男子表示在更衣室發覺假天花有異，打開後驚見貼有一個疑似針孔攝錄鏡頭，已報警處理。警方接報指涉事健身中心分店內發現共3個更衣室有同類裝置，案件列作「窺淫」調查。
該名健身中心男會員昨晚於社交平台Threads上載影片，指在更衣室內發現假天花罅隙有點闊，然後見到中間有粒很細的藍色點異物，隨後打開假天花揭發事件，事主形容：「完全係好X誇張喎，你話畀女發現就話啫，畀仔發現喎真係……」事主在文中表示「我完全覺得裝cam嗰條友係挑戰我隻眼，我打開咗上面假天花，發現佢係連X住其他。」他又指：「雖然我係男人，但係當我發現佢係個cam嘅時候，我心的確有啲離一離」、「我仲要條褲除正一半向上望笑死」，但指已經即時報咗警處理，並呼籲大家要保持警覺。另有網民拍得警員到場調查情況，據指事後4間更衣室中有3間暫時封閉。
24/7 FITNESS於今日早上於原帖文回應事件，指已就事件即時報警，並正積極配合警方調查。由於案件已進入調查程序，現階段不便作進一步評論。若有最新消息，將適時公布。
事件曝光後令大批網民震驚，紛紛留言：「好變態」、「真心癲」、「好恐佈」、「咁衰！一定要拉到嗰啲衰人！多謝你救咗好多人呀！」、「你好勁好眼利，感謝您」、「俾仔定女發現都唔應該，偷拍犯罪受害無分性別」、「咩世界啊 而家！兇徒咁猖狂嘅」。
原文刊登於 AM730 https://www.am730.com.hk/本地/1055301/沙田24-7-fitness更衣室驚藏針孔鏡頭-警列窺淫調查-有片-?utm_source=yahoorss&utm_medium=referral