COLLAR一行七人上了Brian的飲食YouTube頻道《Let's Go Eat With Brain》，她們的新碟以番茄為主題，Brain特別安排眾人吃充滿番茄的餐單，COLLAR邊吃邊做訪問，吃得十分投入，阿Day更被發現十分貪吃，是第一個成員吃東西，而Candy聲稱是第一次飲酒。Brain笑說：「七個，我識幾個咋，要背！」
為什麼新碟的主題是番茄？Marf說：「因為番茄可以放喺唔同菜式入面，而且你一食就知道入面有番茄，所以我哋都想變成呢個藝人，我哋無論乜嘢類型同風格，你都可以感覺到我哋。」
COLLAR之中那人最飲得酒？Gao說：「其實我哋未試過一齊飲醉！」Marf說：「我唔係鍾意飲，係個意志力咋，一返屋企即刻死咗。」Winka說她和Marf兩個人會去飲酒：「我哋係咪『妹』酒！」Gao說：「COLLAR好擦得！」Winka讚同：「我哋好鍾意食嘢！」
芯駖說：「我哋講過50周年，再開演唱會come back，我哋跳跳吓假牙會飛出嚟！我哋七個嘅年齡層都幾闊，又唔會好唔同，因為佢哋好成熟，所以我哋冇乜代溝，大家都鍾意玩。」
COLLAR出道五周年，現在和五年前有什麼分別？Ivy說：「叻咗，多咗好多input擺落我哋作品度，譬如Marf有一齊作曲，我哋有啲填詞，有啲做導演，自己有creative嘅嘢擺落MV度，所以覺得好好。」
Winka則說：「面對壓力覺得自在咗，以前好小事都會好緊張，或者好在乎人哋點樣睇，然後乜都唔夠膽做。」阿Gao說：「佢哋係Gen Z，但係好成熟，有時可能照顧返我哋轉頭。我哋係主動咗，呢個係好大變化，如果你五年前同我哋訪問，我哋可能係會好靜。」
Marf說：「我哋明白我哋嘅職業同要求多咗，因為我哋經歷咗好多嘢，例如我哋喺台上面嘅感覺，我覺得我哋以前嘅歌係扮緊一樣嘢，扮緊型，即使有少少嗰啲味道，都係扮，但現在真係成熟咗。」
芯駖說：「我哋勇敢咗，其實今次自己填詞又作曲，都有被質疑，我哋做《流浪足印》嘅時候，去到好後期嗰陣，不如話真係搵人填詞啦，但我哋好堅持，話『唔得，一定要堅持自己填！』自己填嘅就係自己填，講咗係咁就係咁，就算唔好，我哋一齊承擔。我覺得呢種係勇敢，因為你點都有第一步，錯咗咪錯咗，點解咁介意個錯。我哋以前會諗， serve個market，或者serve大家對女團嘅形象諗法，但我哋𠵱家係變咗serve自己多啲。」
COLLAR之中那人會煮東西？眾人異口同聲說：「全部都煮㗎！」lvy笑說：「有冇男仔介紹？我鍾意啲年紀大少少嘅！」
芯駖說：「我哋幾日都冇食過好嘢，因為幾日都宣傳。」Day笑說：「我哋俾人監禁咗喺公司幾日！」問那個成員經常想減肥，大家說是Ivy。Ivy說：「我認真食，認真減。」Marf爆料：「Ivy喺減肥嗰陣，會搵定有乜嘢好食，佢會target最好食、最值得食嘅嘢。」
被問及最喜愛新碟那首歌，Ivy說：「最鍾意自己填詞嗰首，《流浪足印》！」Day說：「呢首歌有個小故事，我錄音嗰日，我哋係拍完dance version，我夜晚10點再去錄音，我唱到去最尾嗰段，因為係阿Gao同Ivy填詞，佢寫咗一啲我哋嘅名，隱藏喺入面，然後我望吓啲歌詞，唱到有少少想喊。」
Candy訪問期間由頭食到尾，她說：「好幸福啊，呢度嘅菜式，我應該可能幾個月冇食過，焗豬扒我應該五年冇食！」Brain即搞笑說：「Are you serious？你昏迷咗五年呀？」
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter