鄭浩南日前接受文雋YouTube頻道節目《講呢啲講嗰啲》訪問，一般人認識鄭浩南，可能是他參演《98古惑仔之龍爭虎鬥》，飾演司徒浩南一角，他其中一句對白「銅鑼灣只得一個浩南」，演得極有霸氣。
但其實鄭浩南一早已出道，第一部作品是林嶺東84年執導的《愛神一號》。江湖傳聞86年吳宇森任導演的《英雄本色》中Mark哥角色，最初屬意真是叫Mark的鄭浩南演，但最後輾轉由周潤發演出。
四十年後，鄭浩南終於親自說出換角來龍去脈，他說：「佢哋寫緊劇本嗰陣，我已經知道，佢哋已經同我講咗，去到最後決定，監製徐克同施南生會覺得我已經簽咗新藝城，係新藝城嘅人，佢哋好好栽培我，同埋我比較後生，如果我拍江湖片嘅話，我係handle唔到個角色，好彩我冇拍到，如果唔係呢個Mark哥個玩法都唔係咁樣。」
「佢哋亦都係諗過，不如搵羅素同王敏德入埋嚟，係年青化嘅，而張國榮當然有喺度，但如果我哋入咗嚟，就變咗發哥同狄龍唔喺入面，佢哋衡量過之後，與此同時，電影工作室密鑼緊鼓搞緊《刀馬旦》，原本發哥係演《刀馬旦》嘅寧北海角色，結果將兩個角色對調咗，『你（鄭浩南）襯住三隻旦，一定冇得輸！』結果我就過咗去嗰邊。但《英雄本色》角色名同劇本都冇改，依然叫阿Mark，佢就Mark哥，但如果係我，就係Mark仔，而嗰陣我只得21歲。」
沒法演出英雄本色，有否遺憾？鄭浩南說：「我完全冇。好彩唔係我做，我都唔知點handle個角色，我又唔係江湖人，又冇嗰啲江湖味道，嗰時好嫩好細個，喺溫室長大，個個都錫住我。」
ENTER ENTER 是 ENTER into ENTERtainment，直入娛樂核心，娛樂不單是消閑，也可以認真去看，ENTER ENTER 會認真對待娛樂，看清娛樂。
https://www.facebook.com/enterintoenter/
https://www.instagram.com/enterintoenter/
https://www.threads.com/@enterintoenter