近日網上流傳一條的哥載客時吸煙強迫乘客食二手煙的影片，片長49秒，片中見一名蓄鬍鬚的哥在交通事故塞車路段緩慢行駛，後座一名女乘客禮貌地向司機稱：「司機呀，可唔可以唔好食煙，因為我鼻敏感。」其後見司機口中噴出一口白煙後向女乘客說：「開住窗先囉，我好忟呀𠵱(依)家！」女乘客回覆的哥：「我都好忟呀，好燥(躁)底呀司機，我啱啱同人打完交嚟呀！」的哥稱：「咁我開窗麻煩喇好唔好？」此時，女乘客疑被司機所排出的二手煙嗆至劇烈咳嗽，她開始帶點怒氣向司機稱：「大佬...唔可以食煙卦(啩)？我唔想食二手煙嘖！」司機稱：「咁我開窗畀你囉！」女乘客表示：「你食之前喺唔喺要問下個客得唔得呀？我唔食煙呀...大佬！」期間片中見一部執法部門車輛停在慢線處理一宗交通事故，的哥見狀後疑「身有屎」，恐女乘客要其停車向警員投訴，故聞言後未有反應，專心揸車，片段亦至此完結。事件發生時間及地點不詳。
疑涉事女乘客在其社交平台發貼文表示，「已經心情好差，然後你雙手離開軟(軚)盤食嘢。然後我叫你唔好食煙，你話你塞車塞到躁底？xx9？我都燥(躁)底Ydxxm.....開窗散煙？啲雨水飛X晒入嚟Dxxm 最好笑下秒超速，以為自己架的士係跑車？開聲!自己貼禁止吸煙，自己吸?」
網民睇片後紛紛鬧爆的哥 :「 唔係咁過分呀嘛！強迫乘客食二手煙？」、「係咪真架(㗎)，咁誇張？有客喺度都照食煙？佢有冇牌架(㗎)？」、「即係我畀錢搭的士仲要食司機嘅二手煙」、另有人叫女乘客「見疑即報 有法要依：有片有樣 ...網上犯例差人一樣可做嘢！」、「所以你冇讀過心理學。司機啊，我想嘔。可唔可以唔好食煙幫我開少少窗。我諗佢驚過你。」片中的哥自稱好燥，有網民笑謔：「燥(躁)！屎都食得喇！」
根據香港《吸煙（公眾衞生）條例》（第371章），所有公共交通工具（包括的士）的車廂內均屬於法定禁止吸煙區。任何司機或乘客在車廂內吸煙（包括電子煙），即屬違法，違者可被定額罰款港幣1,500元，最高可被判罰款港幣5,000元。
