無綫（TVB）資深金牌主持李浩林（Derek）昨日（1日）突發喺社交平台發表離巢宣言，宣布正式結束與TVB多年的賓主關係，回復自由身！
李浩林喺文中感性回顧喺TVB嘅主持生涯，坦言這段歲月「笑中有淚」，除了認識到一班好朋友同同事，亦讓廣大觀眾認識到佢。佢表示至今仍深深記得一眾前輩嘅教導，如何成為一個令大家安心、觀眾睇得放心嘅主持，並感性表示：「我希望有做到各位對我的期望，同時十分感謝一直以來俾機會我做主持工作既所有伙伴們。」
談到決定跳出舒適圈嘅原因，李浩林坦言喺舒適圈待得太久，連自己都覺得腳步慢到不能再慢。當正式回復自由身嘅一刻，佢曾反問自己：「我要繼續等？等待下一個工作機會？如果大家都開始忘記我，我就要放棄我愛的演藝工作？難道我唔可以主動出擊？」看到身邊好友依然努力向前衝，佢決定唔再被動等待：「等等等等？仲等？唔等喇，各位『江湖再見』，同時我自己將展開一次異世界冒險之旅！」期望日後能以全新身份重投大家眼前。
