陳展鵬為了《玄戰》首度公開了一個只有他和太太兩個人知道的秘密，題目為：「2021年發生咗一件事，呢件事對於我人生嚟講係好大嘅挑戰，究竟係發生咗咩事？同埋呢件事處理好未？」原來展鵬2019至20年期間，曾洽談了一份高達八位數字酬勞嘅代言宣傳合約，及後因疫情關係，展鵬最終未能完整執行合約中內容…雖然合約中沒有註明展鵬需為此賠錢，但為了道義，展鵬決定將之前已收的2/3酬金，分五年還給客戶，忠義程度令現場所有人大感嘩然！展鵬透露，當時未能馬上退還酬金原因，是因拿了來買樓送給陳媽媽，相當有孝心：「我攞咗筆錢買咗第一層樓畀我媽咪，其實我好想將呢筆錢畀番對方，我同佢講，不如畀五年時間我，慢慢去將呢三分二嘅報酬畀番佢。」
4位黑先知中，婆婆、阿嵐及June均準確點出了展鵬的核心問題與合約及金錢有關，阿嵐還確切地提到「義氣」2字，令他再度成功揮低其餘3名對手，在評審心目中留下深刻印象，玲玲師傅激讚：「義氣呢個位擊得好中！」最終，一支獨秀的阿嵐在2個回合中，以總成績272分（滿分300分）拋離第2名的婆婆（總分：261分），2人齊齊晉級下一輪，June及Noa則要跌入結界區。
《玄戰》首集在討論區亦引發熱議，網民一致認為「阿嵐好堅」，又大讚節目「節奏明快，冇悶場」、「一嚟就上凶宅，咁快入主題都幾好」、「睇完覺得參賽者真係好犀利，有少少恐怖，好想追落去。」不過最令網民津津樂道的，是煎Pan的俠義精神，以及Jenny的超強顏值：「煎Pan真係好好」、「thanks thanks thanks thanks陳展鵬」