上周五《愛‧回家之開心速遞》一集播出後，已在網上引起極大迴響，有人支持大龍生看法，亦有不少網民戥大小姐不值，認為她大半世都為接龍仆心仆命，最終卻因父親重男輕女而未能繼承接龍，如今大小姐吐氣揚眉、獨當一面，自然大快「民」心。一直以女霸總姿態示人的大小姐，於「宿敵」尚善面前痛哭一幕，更令不少網民再表心痛！大小姐以「愛上渣男」比喻自己對父親的愚孝：「我所有嘅青春都放晒喺接龍」、「點解佢最愛嘅人唔係我」、「佢係渣男我都知」、「每一次佢有事，我都忍唔住要撲向佢身邊幫佢」、「我知道我係犯賤」、「我真係放唔低呀！」 看到大小姐軟弱一面，身為「宿敵」的熊尚善心痛安慰：「渣男就係渣男，佢只係畀個名份你，然後拖住你，做佢一世嘅工具人。」大小姐聞言不忿表示：「我唔要做工具人」，並聲淚俱下求尚善想辦法令「賤男回心轉意」，尚善見狀忍不住嘆氣，輕聲叫大小姐「喊啦」後再攬實對方，「雙大CP」相知相識的心痛一抱，令不少網民大呼感動！
