社交網今日(19日)流傳一條單車危駕的車Cam影片，時間為早上8時52分，有網民認出地點位於元朗。貼文為「好爸爸...旁邊有單車徑唔踩，載住個小朋友係馬路中間穿插」，片中見到一名穿背心男子，踩住一輛前面坐有小童的單車，神態自如地在車輛之間穿梭。雖然兩人均戴有頭盔，但男子無視紅燈的舉動，直接由馬路駛入行人過路處的行徑令人側目。

網民紛紛對影片作出回應，「所以單車出事好難令人覺得可憐」、「呢D咪X街囉，大嘅想死都唔好拉埋個細吖。做大人做到咁X無腦，真係唔死都無X用」、「最大問題係衝燈」、「仲要衝紅燈，過馬路時踩單車，衰3鑊」及「呢度10個有9個都係咁，T字路口。轉燈慢，對頭又少車出，喺度住過幾年，見慣晒」。